МахIачкъалалив Кьурбан-байрандалун хасну шадлугърайсса мероприятияртту дикIантIий дур. Масалдаран, июльданул урчIунний «Зебра» тIисса Дучрал спортрал комплексраву хьунтIий дур дучри ччалли ххяххан буваву. Мукунна дикIул ярмукIа, бувкIцири уква хъамалу буллалисса. Программалуву бур нашидругу. ЯрмукIа дайдишинтIий дур ахттайн чIумал, ссят цанний. Байран официальнайну дайдишинтIий бур ссят ххюнний маркIачIаннай. «Зебралул» адрес: кIичIиравалу Ремесленная, 45/1, район ТЦ «Киргу».
Ва ялагу, Кьурбандалун хIайван биххан ччинан МахIачкъалалив шанма кIану ккаккан бувну бур: вава «Зебралул» чIаххуврайсса кIичIиравалу – Ремесленная, 45 (район ТЦ «Киргу»); Насруттиновлул цIанийсса кучалий хьхьичIва Ипподром бивкIсса кIану ва вава Редукторныйлий цIуну буллалисса РувхIаний центрданул чIарав, кIичIиравалу Красноярская, 16.
Дягъинтнил кIирисса чIунгу дунавхьур, хIайвант биххаврил даву сантирай ва лазилавкьуну дуванссар тIисса хьул бишинну жувагу.
