Июньдалул 25-нний МахIачкъалалив хьунни Дагъусттаннал фермертурал хозяйстварттал ва шяраваллил хозяйствалул кооперативирттал ассоциациялул (АФКОД) 25-мур съезд.
Муний гьуртту хьунни АьФ-лул ПаччахIлугърал Думалул Аграрий масъаларттал комитетрал председательнал хъиривчу, хъузалтрал (фермертурал) хозяйстварттал ва Аьрасатнал шяраваллил хозяйствалул кооперативирттал(АККОР) ассоциациялул президент Владимир Плотников, ДР-лул ХIукуматрал Председательнал хъиривчу Нариман АьбдулмутIалибов, ДР-лул шяраваллил хозяйствалул ва бакIлахъиялул министр Мухтарбий Аджеков, Чачаннал республикалул, Къарачай-Чаргаснал, Ухссавнил АьсатIин-Аланиянал республикарттал Ассоциациярттал каялувчитал, Дагъусттаннал КФХ-рдал бакIчитал ва шяраваллил хозяйствалул кооперативирттал каялувчитал ва цаймигу. Съезд бачин бувну ия АФКОД-рал гендиректор МахIаммад АьбдурахIманов.
Владимир Плотниковлул тIимунийну жула билаятрал бакIлахъия гьарзану ласавансса каширду тамансса дур. Ларгсса шинал Аьрасатнава шяраваллил хозяйствалул бакIлахъия дазул кьатIув дарххуну дур 37 млрд доллардансса. Гьашинугу ласунтIий дур тамансса къалмул ва пархтIутIул бакIлахъия.
Хъинсса каширду дур мукунна Дагъусттаннайгу. Республикалул хьхьичIунсса кIану бугьлай бур ахънилссаннул бакIлахъия ласавриву ва хъинсса хIасиллу хьун дуллай дур ризкьи ябаврил аралуву. Республикалун аьркинссар дусса каширду ишла дуван.
Съездрай махъру лавхъунни мукунма Нариман АьбдулмутIалимовлул, Мухтарбий Аджиевлул.
ХьхьичIунну зузиминнан дуллунни хIукуматрал наградартту.
