Июньдалул 27-нний Дагъусттаннал БакIчи Сергей Меликовлул дунни ДР-лул Мюхчаншиврул Советрал батIаву.

Муний ххал бигьлай бия Дагъусттаннай закондалий бакъа карьердай къун буллалаврил хьхьичIалу кьукьавринсса чараннал масъала.
Дагъусттаннай дур хъунисса тIабиаьтрал луртанну ва бюхълай бур хIадур дуван мюнпатсса ханхъус республикалул строительствалул индустрия дузал даву мурадрай.|

МуницIунна жучIара дуллай бур чIярусса къатри, аьркинну дур чIярусса къатри дувансса материаллу, хаснува къун. Мунияту инсантурал ччимур кIанттурдая ласлай бур къун, мунийну хIасул дуллай бур закондалий дакъасса ишбажаранчишиву», – кунни Сергей Меликовлул.

Дагъусттаннал БакIчинал бувсунни аьрщаравусса мяъданну ишла бавривусса цаппара диялдакъашивурттаяту.
ДР-лул тIабиаьтрал луртаннал ва экологиялул министр Ибрагьим Ибрагьимовлул бувсунни му аралуву ДР-лул исполнител властьрал федерал органнал ва кIанттул цилакаялувшиврул органнал дуллалисса давурттал хIакъираву.