Краснодардайсса ца кIичIираваллин Аьрасатнал Виричунал, гвардиялул хъунама лейтенант, Ккавкказуллал казачий полкрал 247-мур роталул командир НурмахIаммад ХIажимахIаммадовлул цIа дизантIий бур. Укунсса хIукму бувну бур Краснодардал шагьрулул думалул депутатътурал. Украиннавусса спецоперациялий талатаврил майданнив душманнайн данди увккун, кьянкьану авцIуну ивкIсса хIаписар-десантникнал сисаврия, чувшиврия щалагу Аьрасатнаву гъалгъа тIийнма бур, чичлай бур, ванал цIа абад дуван ччисса регионну, шагьрурду ялу-ялун чIяву хъанайгу бур. ДакIнийн бутанну, НурмахIаммад ХIа­жимахIаммадовлун дурагу 25 шин хьуну диркIшивугу, Украиннавусса спецоперациялий Виричунал цIанин хьхьичIа-хьхьичI лайкь хьума ушивугу.