Вай гьантрай ЦIуссалакрал райондалул бакIчи МахIаммад-ХIажи Айдиевлул Донецкаллал ва Луганскаллал халкьуннал агьалинан гуманитар кумагру баврихлу «Единая Россия» партиялул чулухасса барчаллагьрал чагъарду тапшур бунни райондалул шяраваллил хозяйствалул продукция итадакьавриха зузиминнайн. Республикалий Донбассрайсса агьалинан дуки-хIачIиялул кумагру цалчин буллай байбивхьуссар ЦIуссалакрал райондалий. Ттинин ва райондалия гьан дурну дур 13, 5 тонна кьайлул.
МахIаммад-ХIажи Айдиевлул цала чулухагу барчаллагь баян бунни дяъвилул операция нанисса захIматсса тагьар хIасул хьусса ппурттуву ка-кумаг бувминнайн («Правда» СПК) Султан Чакаевлуйн, («Гранит» ООО) Таймураз Рамазановлуйн, (Лениннул цIанийсса СПК) Аьлил Рамазановлуйн, ( «Дагестан-2007» СПК) Алгирей Мусиевлуйн, («Тухчарский» МПУ) Тажуттин ХIасановлуйн.