Аьрасатнал Цифралул министерствалул комитетрал Аьрасатнал регионнал властирдащал цачIуну дайдирхьунни Хъун дяъвилул ветерантал уква буцлансса «Наша Победа» т1исса программа. Акциялул лагрулий ветерантураща уквасса таксирду ишла буллан бюхъантIиссар 2022-ку шинал ахирданийн бияннин.
Уквасса таксирду тIалав буллантIиссар «Яндекс. Такси» сервисрайхчIин. Ветерантуращал архIал таксирдай занан ихтияр дуссар миннал мачча-гъанминнахь.
Уквасса такси ишла бан бюхъайссар:
Буттал КIанттул цIанийсса Хъун дяъвилул инвалидтураща, гьурттучитураща, Хъун дяъвилул шиннардий аьралуннаву къуллугъ буллай бивкIсса аьралитураща ва дяъвилул шиннардий мюхчаншиву дуруччаврил объектирдай захIмат буллай бивкIсса инсантураща.
Такси бучIан бан ихтияр дуссар цахьва ветерантурахь ягу миннал мачча-гъанминнахь.
Дагъусттаннал ЗахIматрал министерствалул биялдарайсса Агьалинан социал кумагру байсса центрдалул вакилтурал личный кабинетрайхчIин кьамул буллантIиссар ветераннал чулуха таксирду тIалав буллалисса аьрзри.
Такси бучIан буллалисса аьрзирай ккаккан бан аьркинссар нанисса кIану. Муния махъ ветераннал ягу мунащал архIал наниманал телефондалийн дучIан аьркинссар машиналул номер ва бучIансса чIун ккаккан дурсса СМС.
ДР-лул ЗахIматрал министерствалул зузалтрал ветерантал ялапар хъанахъисса шагьрурдай ва районнай дуллай бур ва акциялул программалия бусласисса бувчIин бавуртту.
