Майрал 30-нний Дагъусттаннал БакIчи Сергей Меликов хьунаавкьунни Федерал ххуллул агентствалул «Кавказ» ххуллул федерал Управлениялул хъунама Александр Лукашуклущал.

Республикалул каялувчинал бусаврийну, хIакьину транспортрал комплекс цIусса лябуккулул ятIапрай бур. 2022-ку шинал, «Кавказ» Упродор ФКУ-лул заказрайну, Р-217 федерал ххуллул яла гуж багьлагьими кIанттурду байбивхьуну бия бакьин буллай (капитал ремонт). Ми бур Хасавюрт, Избербаш шагьрурдачIан ва Мамедкъала шяравалличIан гъансса кIанттурду. Миннувату 2023-ку шинал ахирданийннин бакьин бантIий бур 53 км. ххуллул, 2024-ку шинал тIурча – ялагу 25 км. Давуртту къуртал хьусса чIумал «Кавказ» ххуллул Дагъусттаннайсса 140 км. бутIул бикIантIий бур мукьва ща бусса.

ЦIанасса ппурттуву хIадур буллай бур Хасавюртуллал ва Дарбантуллал чIарахсса ххуллурдал проектирдал документру.
Александр Лукашуклул бувсунни ххуллурду бакьин баврил давуртту цукун дуллантIиссарив.