Пограничникнал кьинилий

Пограничникнал кьинилий

Майрал 28-нний Оьруснал театрдануву хьунни Пограничникнал кьинилун хас дурсса шадлугъ. Шикку гьуртту хьунни Дагъусттаннал БакIчи Сергей Меликов.

Шадлугърал мажлис тIитIлай, пограничниктал барча буллали­сса ихтилат бунни Дагъусттаннал Дазул управлениялул хъунама, генерал-лейтенант Андрей Карпенкол. Ванал дурккунни Аьрасатнал Президент Владимир Путиннул чулухасса барча бавугу. Хъирив ихтилат бувсса Сергей Меликовлул кIицI ларгунни дазурду дуручлачиминнал къуллугърал агьамшиву ва ляличIишиву.

Ванал дакIнийн дуртунни 1999-ку шин. КIицI лавгунни тай дяъвилул иширттавугу дазуйминнал хъуннасса хъар лархъшиву, цIанагу, Донбассрай хасъсса аьрали операция нанисса чIумал, хьхьичI хху­ттай бавцIуну, цала къуллугърал буржру лавайсса даражалий, къучагъну бартбигьлай бушиву. Ихтилат къуртал бувну махъ Сергей Меликовлул дуллунни наградартту хьхьичIунсса зузалтран.
Мероприятие къуртал хьунни концертрал программалийну.

Читайте также: