Аьрасатнал Федерациялул ПаччахIлугърал Думалул кьамул дунни дянивсса даражалул пишардал кIулшивуртту ласласисса студентътал давурттал дузал баврил хIакъиравусса законопроект.
Законопроектрал соавтор хьунни Федерациялул Думалул «Единая Россия» партиялул чулухасса Аьрасатнал депутат Артем Бичаев.
«Единая Россия» партиялул коллегахъащал архIал ххал диргьуссар, кIулшивуртту дулаврил ва производствалул комплексру хIасул бувну, колледжирттал ва техникумирттал студентътал давурттал дузал баву мурадрайсса законопроект. Кьамул дурсса закондалийн бувну, студентътураща бюхъантIиссар, комплексирттай производствалул практика дурну, экономикалуву тIалавшиннарду дусса пишарду лахьхьин. Студентътураща мукунма бюхъантIиссар цивппа дуклай бивкIсса кIанттурдай зун.
— ЦIанасса ппурттуву ссузирдаву дуклай бур 3,5 миллион студентътурал, миннава 30% выпускниктуран цала пишардай зунсса давуртту ляхълай дакъар. Жул сипталийн бувну кьамул дурсса проектрал кумаграйну, ссузру къуртал бувсса студентътал давурттал щаллу буллантIиссар. Мукунма жу хIарачат буллай буру техникумирттал ва колледжирттал материаллал ва техникалул базарду цIакь бан тIий ур, цала Телеграм каналданий Артем Бичаев.
