Петербургуллал Дунияллул халкьуннал экономикалул форумрай ДР-лул БакIчи Сергей Меликов хьунаавкьунни «Российский экологический оператор» ППК-лул гендиректор Денис Буцаевлущал. Хьунабакьаврий ххал бивгьунни республикалий ТКО (твердые коммунальные отходы) зана-кьала дуллансса система дузал давриву уртакьну зунсса масъалартту. Система дузал дуллалиссар «Экология» нацпроектрал лагрулий.
Хьунабакьаврий къулбасру дурунни хIала-гьурттуну зий байбишаврил хIакъиравусса кьутIилий. Му кьутIилул мяъна-мурадрая буслай, Сергей Меликовлул кунни: «Дагъусттаннан хъуннасса мяъна дуссар кьянкьасса коммунал лув дагьмур зана-кьала даврил масъала дузал баврил. ХIакьину жула хьхьичIсса масъала хъанахъиссар му даву ттизаманнул журалийну бартдигьаву, системалул даражалийн дуцаву.
Му давриву жун кумаг буллай бур «Аьрасатнал экологиялул операторданул» ва мунил каялувчи Денис Петрович Буцаевлул. На дакI дарцIуну ура хIакьинусса кьутIилул тамансса кумаг бувантIишиврий нигьачIаву дакъасса оьрмулул шартIру дузал дуванссар тIий республикалул шагьрурдайгу, архсса районнайсса шяраваллавугу».
Денис Буцаевлул барчаллагь кунни республикалул каялувчинахь уртакьну зун рязи шаврихлу.
