ХIала-гьурттуну зунсса ният

ХIала-гьурттуну зунсса ният

Июньдалул 15-нний Дагъусттаннал БакIчи Сергей Меликовлул ва «Российская система качества» тIисса сакиншиндарал каялувчи Максим Протасовлул къулбасру дунни Петербургуллал Дунияллул халкьуннал дянивсса экономикалул форумрай хIала-гьурттуну зузаврил хIакъиравусса кьутIилий.

«Ва кьутIи агьамсса ишну хъанахъиссар качествалул национал системалул ва республикалул дянив уртакьну давуртту дачин давриву. Вания хъунмасса мюнпат хьунтIиссар муштаритуран ва бизнесран», –кунни Максим Протасовлул.
Сергей Меликовлул бувсунни цуксса мюнпатну дацIантIиссарив жунна Роскачествалущалсса кьутIи чичаву.

– Дагъусттаннан Роскачество – вихшала дишинсса давурттал уртакьри, мунил кумаг буллантIиссар жулла сурсатру машгьур дуллан. ЖучIава бур Роскачествалущал уртакьну зузаврил хъинчулийсса опыт.

Ларгсса шинал Роскачествалул пишакартурал дурну диркIссар чахирданул ва коньякрал хъунисса заводирттал аудит. Миннал маслихIатирттайн бувну, жулва заводирттал зузалтраща бювхъуна тамансса ххуй дуван хIанттил качество. Умуд бур мукуннасса дахханашивуртту хьунтIишиврий жула цаймигу сурсатирттал чулухагу»,– кунни Дагъусттаннал БакIчинал.

Читайте также: