Дагъусттаннал хъунасса политикнан 92 шин

Дагъусттаннал хъунасса политикнан 92 шин

Ва барча унни Аьрасатнал Президент Владимир Путиннул ва Дагъусттаннал БакIчи Сергей Меликовлул.
Билаятралгу, республикалулгу БакIчитурал кIицI лавгунни МахIаммадаьли МахIаммадов сий дусса политикалул ишккакку ва аькьилсса каялувчи ивкIшиву, жяматрачIа ванал хIурмат хъунмасса бивкIшиву.

Мукунма кIицI лавгунни билаятран захIматсса 1999-ку шинал МахIаммадаьли МахIаммадовлул багьа бищун къашайсса даву дуршиву республикалий дакьаву ва паракьатшиву дуруччин.
Суратрай МахIаммадаьли МахIаммадов ва Хизри Шихсаидов «Илчи» кказитрал зузалтращал. 2005 шин май.
Ххуйну дакIний дур ва кьини. Издательствалул къатрал чIаравсса майданнив най дуссия «Молодежь Дагестана» кказитрал сипталий сакин дурсса чару личаврил Дагъусттаннай цалчинсса чемпионат.

Ва кьинисса дусшиврул ва цIуллу-цIакьшиврул байрандалул сий ляличIинура гьаз дурна шикку гьуртту хьун, шадлугърал мажлис тIитIин увкIсса Дагъусттаннал ПаччахIлугърал Советрал председатель МахIаммадаьли МахIаммадовлул. Жугу бавцIу­ссияв сант дагьну дунура республикалул хъуниминнащал сурат рищун. Тай дия республикалул хъунаманащал бацIан, суратгума рищун бю­хъайсса, къаралданул къуч-палцI бувну арх къабайсса чIунну. ДакIний бур Качар Абачараевна ттухьва ка рути МахIаммадаьли МахIаммадовичлухун тIий. Амма на къасивсунав. Бяст-ччал тIивтIуссия МахIаммадаьли МахIаммадовлул чару личаврийну.

Аватар

Андриана Абдуллаева

Андриана Абдуллаева

Читайте также: