Аьрасатнал Кьини МахIачкъалалив

Аьрасатнал Кьини МахIачкъалалив

Аьрасатнал Кьини МахIач­къала шагьрулул майданнив хьунни чIярусса шадлугъру, вайннувасса цагу – Дагъусттаннал халкьуннал миллатирттал культурардал байран. Ва хьунни «Аьрасатнал, Ухссавнил Ккавкказуллал мюрщи миллатирттал аслийсса культура» тIисса проектрал лагрулий. Проект щаллу дуллалиссар Дагъусттан Республикалул Музыкантътурал союзрал АьФ-лул ва ДР-лул Культуралул министерстварттал ва Республикалул Халкьуннал творчествалул къатлул кабакьаврийну.
Фестивальданий гьуртту хьуна республикалул 10 райондалиясса, Хасавюрт шагьрулиясса творчествалул коллективру ва таксса балайчитал, мукунма Ухссавнил Ккавкказуллал Федерал округрал республикарттаясса фольклорданул коллективругу.

* * *
Байрандалул программа гихуннай дачин дурна хореографиялул ва фольклорданул искусствалул форум-фестивальданул, ДР-лул Культуралул министерствалул ва Халкьуннал творчествалул къатлул сакин дурсса. Ва хьуна Аьрасатнал Халкьуннал культуралул ирсирал шинал ва «Халкьуннал» цIа тасттикь дуллалисса Республикалул смотрданул лагрулий.

* * *
Хъирив дайдирхьуна творчествалул коллективирттал «Аьрасатнал чIурду» тIисса цIанилусса фестиваль, Республикалул Культуралул министерствалул, Халкьуннал творчествалул къатлул ва МахIачкъала шагьрулул администрациялул ва Культуралул управлениялул сакин дурну. Фестивальданул гьурттучитурал дагъусттанлувтуран ва цIана республикалийсса чIяву хъамаллуран ккаккан бувна личIи-личIисса миллатирттал багьу-бизу, аьдатру, культура чIалачIи дуллалисса номерду, увкуна халкьуннал дянивсса дусшивриясса, Ватандалухасса балайрду.
Цинявппагу гьурттучитал лайкь хьуна Культуралул министерствалул чулухасса дипломирттан.

Читайте также: