Буттал кIанттул цIанийсса Хъунмасса дяъви байбивхьусса кьини жула билаятрай Аьпалул ва хIасратрал кьинину кIицI лагай. Ва кьини дакIнийн бичай дяъвилий жанну дуллусса жула вирттал.
Ккурккуллал шяравугу хьунни Аьпалул ва хIасратрал кьинилун хас дурсса мероприятие. Ва сакин дурну дия шяраваллил библиотекалул хъунмур Сияли Аьбдуллаевал ва Культуралул центрданул художествалул каялувчи Аймисай Аьбдуллаевал.
Дяъвилий жанну дуллуми дакIнийн бичлай, дуклаки оьрчIал лавхъсса чирахърубивхьунни дяъвилий талай бивкIминнансса стендрачIа, хъирив – шяраваллил майданнив дацIан дурсса гьайкалданучIа.
