ЛивтIуминнал кулпатирттансса кумагран

Петербурглив хьусса Дунияллул халкьуннал дянивсса экономикалул форумрай Дагъусттаннал БакIчи Сергей Меликовлул бувсунни Украиннай жанну дуллуминнал кулпатирттан кумаг буллансса «Циняв цачIу» тIисса фонд хIасул бувшиву ва хIакьинусса кьининин фондрал сияхIрайн 220 миллион арцул бувкIшиву.

– Ва фондравун Дагъусттаннал резерврал фондравагу 50 миллион личIи бувссия, жу хIадурну буру уттигу вайкссара арцу фондравун дичин, багьайкунсса кумаг республикалул чулухату бикIаншиврул, – увкунни Меликовлул. Ванал бувсунни фондравун арцу, дичлай бушиву меценатътал, бизнесментал ва укунмасса инсантал, арцу лахъи лаган къадуллай, чIумуй кулпатирттачIан дияншиврул, ми ласаврил схемагу къулай дуршиву.

Гулиана МахIаммадова,
ДГУ-рал студентка