Халкьуннал касмурдал кьини
Халкьуннал канил пагьмурдал кьимат гьаз баву мурадрай, Аьрасатнал Президент Владимир Путиннул баян бунни июнь зурул махъра-махъмур алхIаткьинилул хьхьичIмур алхIаткьини баян буван байран кьинину – «День народных промыслов».
яла ххирамур марка
Аьрабусттаннай итабавкьуну бур дунияллий яла багьлул ххирамур почталул марка. Ва цуппагу ЦачIунбув Аьрабнал Эмиратирттал «Мусил» юбилейран хас бувсса марка бур, ванил тиражгу 2021 экземпляр бур. Гьарца маркалуву дур мусил ца грамм, ванил багьа 2021 дирхIам ((US$ 550) бур. Марка машан ласун хьунтIий бур дунияллул ччимур мурцIний.
дуклаки оьрчIру бюрунттал къушай
Гъинтнил каникуллай Чукоткалий Билибинский райондалийсса дуклаки оьрчIру бюрунттал хIухчалтрал кумагчиталну зунтIий бур, кув бюрунттив ябуллай, кувгу къушай аьркинмунилсса буллай. Гьар шинах региондалул бюджетрава субсидияртту итадакьайсса дур дуклаки оьрчIан касмурду лахьхьин даврин.
Гьашину ми иширттан 11, 6 миллион итабавкьуну бур. Дуклаки оьрчIру зунтIий бур «Амгуэма» ва «Олой» тIисса шяраваллил хозяйствалул предприятиярттал бригадарттаву. Бюрунттаха зузисса опыт бусса насихIатчитурал гъинтнил каникуллай оьрчIру ххуйсса пишакартал хьун хIадур байсса бур.
