ЦIуллу-сагъшивруцIунсса маслихIатру

ЦIуллу-сагъшивруцIунсса маслихIатру

Дукиялун ишла дуллали­сса уртту-щинал ччянияцIа хъунмасса кIану бугьлай бур инсантурал оьрмулуву.
Жула лухччив дур яла уртту-щинал аваданми щалагу дунияллий. Амма ца-ца чIумал жува пикривагу къабувну чIарах був­ккун лагару щаххуллул ахъул­ссаннул (облепиха), ццуццул къатIуйра къадартIун лирчIсса хъанакIул ва цайминнул. Циксса тоннарду витаминнал, минераллал столлайн къадагьнура личIлай дур. Жунна кIулну ишла дулларча тIабиаьтрал дуллусса аваданшиву (компот, мураппа дурну, ягу микIлачIун дурну), инсангу щаллуну икIанссия витаминнал, аьпттикIругу чанну аьркин булланссия.

Ялун дирунни ахъвазандалул сезон

Ахъвазандалуву 27% бур углеводирттал, бур мукунма витаминну В,В12 ,С, фолиевая кислота ва цаймигу чIявусса микроэлементру. Мунияту ва чIявуну ишла бан бучIиссар диета дургьу­сса чIумал, бурчул, къюкIлил туннурдал къашайшиву думиннан.
Хъинссар нюжмардий цал куклу кьинирду дуллан: 300 гр. бурбуссаннул ва дачIи литIра ахъвазандалул сокрал хIачIлай.
Ахъвазан бучIиссар букан ччимур журалий: цIуну бив­ттуну, кьакьан бувну, мураппа, пастила, джем, компот дурну. Китайнаву ахъвазандалул хъуварая дайсса дур эмульсия – бронхитран, ларингитран, хъугьуврая дарувну дацIайсса.
Дагъусттаннай ахъвазандалул хъуварая ххаллилсса турт бувай. Ахъвазандалул ца яла аваданмур билаятгу хIисав хъанай бур жула Дагъусттан. ЦIуллуну битаннав!
ХIадур бувссар
Т. ХIажиевал

Читайте также: