МахIачкъалаллал ОМОН-лун 31 шин

МахIачкъалаллал ОМОН-лун 31 шин

«Горец» тIисса МахIачкъалаллал ОМОН-лул базалий хьунни отряд сакин дурну 31 шин шаврин хас дурсса мероприятияртту.

Шикку гьуртту хьунни Росгвардиялул кIанттул управлениялул хъунаманал хъиривчунал кIанайсса полициялул полковник Арсен Аьбдуллагьов, спецподразделениялул ветерантал, зузалтрал кулпатру.

Мажлис тIитIлай, ихтилат бунни «Горец» ОМОН-лул командир, полициялул полковник Рамазан Аьлихановлул. Ванал кIицI лавгунни 31 шинал лажиндарай хасъсса подразделениялул, республикалий ва мунил кьатIув дакьаву ва низам дуручлай, цала къуллугърал буржру лайкьну бартбигьлай бушиву.
Хъирив ихтилат бунни Арсен Аьбдуллагьовлул.

– ОМОН-вусса къуллугъ – хъинну захIматсса ва хъунна­сса нигьачIаву дусса къуллугъри. Агьалинал мюхчаншиврул къаралданий бавцIуну, зу хъуннасса хъар лахълай буссару тахсиркаршивурттащалсса талатаврил ххуллий.

ЛяличIисса барчаллагь учин ччива хIакьинусса кьинигу цала къуллугърая арх къабувцсса ветерантурахь. Барчаллагь цинявппагу зузалтран чувшиврухлу, пишакаршиврухлу, – увкунни хIаписарнал.

Мероприятиялул гьурттучитурал дакIнийн бивчунни къуллугърал бурж бартбигьлай жанну дуллусса зузалт. Баян бунни миннал аьпалун минутрайсса пахъ багьаву. Дирхьунни аьпалул хьуминнансса гьайкалдануцI тIутIив.

Читайте также: