Наградартту дуллуминнавух бур хъунама сержант, танкист Марат Халикьов ва сержант Ибрагьимхалил ХIажиев. Миннан дуллунни «Дагъусттан Республикалул хьхьичI лайкь шаврихлу» тIисса орденну аьраличунал бурж биттур буллалисса чIумал ккаккан дурсса чувшиврухлу ва жандалия ка ласаврихлу. Цалва хьхьичIсса задачартту бартбигьлай, Халикьовлул ва ХIажиевлул ххассал бувну бур талатавриву цалва гьалмахтал.

Сергей Меликовлул цIарду чирчусса каний дахIай ссятру дуллунни мукунна федерал ва республикалул СМИ-лул журналистътуран, миннал Украиннаву талатаву нанисса кIанттурдая буслай бивкIссар хъанахъисса иширттал хIакъираву.