Ххал бивгьунни бизан баврил масъалартту

Ххал бивгьунни бизан баврил масъалартту

Май зурул 24-нний ЦIуминалийсса ЦIуссалакрал райондалий хьунни лак цIусса миналийн бизан баврил масъаларттан хас дурсса совещание. ЦIуссалакрал райондалул бакIчи МахIаммад-ХIажи Айдиевлул халкь цIусса миналийн бизан баврил ва Аухуллал район цIу дуккан даврил масъалартталсса буллалисса ДР-лул ХIукуматрал Управлениялул хъунама ХIажи Султановлущал ххал бивгьунни му программалул масъалартту. Совещаниялий мукунма гьуртту хьунни ЦIуссалакрал райондалул бакIчинал хъиривчутал, шяраваллал администрациярттал бакIчитал, «Новострой» ГКУ-лул дирекция, райондалул идарарттал каялувчитал.

Микку гьаз бувсса агьамми масъалартту бия бизан баврил программа дузрайн дуккан даврин хас бувсса. МуницIун бавхIуну ккаккан дунни инсантурал ялапаршиндаран къулайсса шартIру дусса къатрал проектру.

Мукунма ххал бивгьунни хьхьичIара шяраваллаву дурну диркIсса агьамми канализацияртту зузи даврил масъалартту. Канализацияртту зузи дан хьхьичI аьркинну бур цинявппа къатравасса турбарду агьаммур канализациялувун хIала бакьин. Райондалул бакIчинал ккаккан дунни вай объектру зузи дансса чIун ва личIи бунни миннул жаваб дулунсса зузалт. Дирекциялул хъунама инженернайн тапшур бунни центральный канализация зузи даврихсса арцул хIисав дан.

Му бакъассагу, микку сукку бунни гъараллу ларчIсса чIумал щин дачин даврил ва гъинттул чIумал дургьусса хъуруннайн щин диял даврил хIакъиравусса масъаларттугу.
Райондалул бакIчинал кIицI ларгунни, ДР-лул ХIукуматрал тIалавшиндарайн бувну, 2022-ку шинал хьхьичI ххуттай щаллу бан­сса масъаларттал сияхI.
ХIажи Султановлул райондалул шяраваллал бакIчитурайн тапшур бунни Сергей Меликовлул тIалав бувсса масъалартту циняв ца хьуну дузал бавриха зун.

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: