Сувра ялун ливчунни

Сувра ялун ливчунни

Жула зунттаву, шяраваллал лагма-ялттусса лухччай дарув-дарманнан ишла дувайсса уртту-тIутIив чанну къадикIай. Уттигъанну на ххилтIу буллай уссияв Алтайрал улклуй ххяххайсса уртту-тIутIая бусласисса чIивисса жуж. Ва жужраву бусласисса сайки дачIиннуяр ххиссагу ххяххияртту жучIарагу дикIай.

Ца гьалмахчунащал ххяххиярттая ихтилатрай унува, ганал кIицI бувна, Лакрал райондалийсса зунттаву яттичIа уний, ккавкшиву Аьрасатнава бувк1сса инсантал, чятирдугу бивщуну, дарув-дарманнал уртту датIлай. Мунияту жуннагу аьркинну дур ишла дуллан жулла «аваданшиву». Явара, ми дарув-дарманнан ишла дувайсса ххя­ххиярттал цIардугу сайки цинявннан кIулсса дур. КIицI дуван ччива цаппараннул цIарду: улклул чIапIив, неххал чIапIив, хIухчил чIапIив, чIаклул тIутIив, кIяла тIутIив, шанчIапIи, машаку, къягъул тIама, гулмадаран, сувра ва цаймигу ххяххияртту. На шикку кIицI дував анжагъ нара ишла дувайсса, кьакьан дувайсса уртту-тIутIив.

Вана, уттигъанну ттул янилун багьуна щюллива-щюллину ялун ливчусса сувра. Сувра хIисав хъанай бур эфирданул аьгъушиву дусса ххяххиялун. Эфирданул аьгъушиврул дур, инсаннал чурххавун дагьайхту, гиву­сса «чарттал ялув щядиркIун», гай кIукIлу буллай, къундалийн буккан буллалисса хасият.
Ишла дуллалияра жула зунттавусса дарув-дарманну хъанахъисса ххяххияртту.

Читайте также: