ХIакин, аьлимчу лайкьсса зунтталчу

ХIакин, аьлимчу лайкьсса зунтталчу

Вай гьантрай Москавлия бавунни ххарисса хавар – жула ххаллил­сса лаккучу, Икрамлул арс Щайхаьлиев Астемирдул медициналул элмурдал докторнал диссертация дурурччуну дур тIисса.


Астемир Щайхаьлиев мудангу гьуртту шай дунияллул халкьуннал дянивсса ва Аьрасатнал лагрулийсса форумирттай ва симпозиумирттай. Ва челюстно-лицевой хирургтурал Европанал Ассоциациялул членгу ур, пластикалул ва реконструкциялул хирургиялуву 20 патентрал заллугу ур.


Ва оьрму халкьуннал цIуллу-сагъшиву дуруччаврин хас був­сса, медициналул дунияллий чIярусса агьамсса ахттаршиннарду дурсса аьлимчу, хирург ур. Ванал 1991-ку шинал къуртал бувну бур Дагъусттаннал медициналул академиялул стоматологиялул факультет. Зий ур 25 шинал мутталий И.М. Сеченовлул цIанийсса Цалчинмур медициналул университетрал (МГМУ) лажиндарал ва ххинчулул хирургиялул кафедралий. Вава кафедралий очнайну аспирантурагу къуртал бувну, ванал дурурччуну дур элмурдал кандидат хьунсса диссертациягу. 2010-ку шиная шийнай зий ур клиникалул хъунама хIакиннал хъиривчуну, кафедралул профессорну. Ванал доктор хьун­сса диссертациялул тема дур титандалул эндопротезирттацIун дархIусса: «Комбинированные титановые эндопротезы с наноструктурированной поверхностью в комплексной реабилитации пациентов с дефектами нижней челюсти». Диссертациялул гьанулун лавсун бур клиникалий зузисса 10 шинал мутталийсса даврил опыт ва материал. Шиккува бусан, ва клиникалий аьрали иширттаву ккулларду лажиндарайн щусса инсантурайгу операциярду бувайсса бур.
Ва мудангу гьуртту шай дунияллул халкьуннал дянивсса ва Аьрасатнал лагрулийсса форумирттай ва симпозиумирттай. Ва челюстно-лицевой хирургтурал Европанал Ассоциациялул членгу ур, пластикалул ва реконструкциялул хирургиялуву 20 патентрал заллугу ур. Лайкь хьуну ур цимилагу Аьра­сатнал ЦIуллушиву дуруччаврил министерствалул чулухасса наградарттан ва лишаннан, пандемиялул ппурттуву лайкь хьуну ур «Здравоохранениялул отличник» тIисса лишандалун.

Астемир Икрамович, цуксса мажал бакъа, медициналувун кьувтIуну ухьурчагу, жяматийсса оьрмулул иширттавухгу хIала уххансса чIун ля­къайсса инсан ур. Сайки 15 шинал лажиндарай ва чялишну гьур­тту хъанай ур Москавливсса Да­гъусттаннал Культуралул центрданул давурттавух. 2015-ку шиная шийнай зий уссар центрданул вице-президентну, мудангу спонсор хIисаврайсса кумаг бувайссар культуралул мероприятияртту дуллалитари. Ванал Лакку билаятрахсса ва Дагъусттаннахсса ччаву, даврил опыт, гьунар, каялувчинал бюхъу ялун нанисса никиран эбратну хъанахъиссар. Дагъусттаннал Культуралул центрданул чулуха дакIнийхтуну барча уллай буру лавайсса даражалул пишакар ва аьлимчу, чIа тIий буру цIу-цIусса хьхьичIуннайшивуртту», – тIий ур Москавуллал Культуралул центрданул Президент, профессор Арсен ХIусайнов.
Дагъусттаннал Культуралул центрданул вакилталгу, ца зумату кунма, буслай бур ванал инсаншиврия, жаваблувшинна дуну, пахру-ххара бакъа къуццу тIутIаврия.
Культуралул центрданул мероприятиярттай гьуртту хьу­сса, миннуя чичайсса на навагу ххибавияв, Астемир Икрамовичлул мяйжаннугу хIалимсса, пахру-ххаралул лама къавщу­сса, хъунанангу, чIивинангу, чIунархIалминнангу бусрав уллалисса, зунтталчунан лайкьсса хасият дур куну. Жула чулухагу чIа тIий буру ванан чIярусса хьхьичIуннайшивуртту, тIайлабацIуртту – давривугу, оьр­мулувугу!

Аватар

Патимат Рамазанова

Заслуженный работник культуры РД

Читайте также: