Мунил хIакъираву бувсунни Республикалул Шяраваллил хозяйствалул ва бакIлахъиялул министерствалул коллегиялул батIаврий ДР-лул ХIукуматрал Председатель Аьбдулмуслим Аьбдулмуслимовлул.
Мунал тIимунийн бувну, 2022-ку шинал ппиринж бугьантIий бур дукIумур шинал даражалийсса ва ласунтIий дур 125 азарда тонна, хъуния дучIаймур (урожайность) гьарзану ласаврийну. ДР-лул шяраваллил хозяйствалул министр Баттал Батталовлул тIимунийну, 2021-ку шинал ппиринж бувгьуну бивкIун бур 27 азарда гектарданий, миннуя ларсун дур 119,3 азарда тонна, ца гектардания дучIаймур диркIун дур 45,1 центнер.
2021-ку шинал республикалий ппиринжрал бакIлахъия ларсун диркIссар яла хъунмур, Дагъусттаннал ппиринж бугьаврин хасну бувгьуну бивкIссар 2-мур кIану, Краснодардал улклуя махъ.
