Республикалул Халкьуннал творчествалул къатлуву хьунни «Народный (образцовый) коллектив любительского творчества Республики Дагестан» тIисса цIа тасттикь даву мурадрайсса смотр. Ва хьунни хорданул «Ттул Ватандалул балайрду» тIисса конкурсрайн хIадур шаврил лагрулий.
[dropcap]Р[/dropcap]еспубликалул шагьрурдаясса ва районнаясса «халкьуннал» тIисса цIа дусса хорданул коллективирттан, вайннул балайрдащалсса видеороликру ххал дуллай, кьимат бишлай бия композитор, Дагъусттаннал Композитортурал союзрал председатель Рамазан Фаталиев, Дагъусттаннал Музыкантътурал союзрал председатель Хан Баширов, оьруснал балайлул халкьуннал «Волна» тIисса хорданул каялувчи Маржанат Казакаева, МахIачкъала шагьрулул оьрчIал искусствалул 5-мур школалул вокалданул педагог Хиринду Султанова ва республикалий цIа дурксса цаймигу инсантал бусса жюри.
[dropcap]Ш[/dropcap]икку язи бувгьуми коллективру гьуртту хьунтIиссар майрал 7-нний МахIачкъалалив дантIисса «Ттул Ватандалул балайрду» тIисса конкурсрай. Шиккува язи бугьантIиссар щалагу Аьрасатнал хорданул фестивальданул округралмур ятIапрай гьуртту хьунмигу.