Тарихрал музейраву

Тарихрал музейраву

Апрель зурул 12-нний «Аьрасат – ттул тарихри» тIисса музейраву хьунни Космонавтикалул кьинилун хас дурсса личIи-личIисса мероприятияртту.

Байрандалун хасну музейрал хIаятраву хьунни «Созвездие талантов» тIисса асфальтрай суратру дишаврил конкурс. Ши­кку гьуртту хьунни шагьрулул школарттал дуклаки оьрчIру. ОьрчIал дирхьусса космосрал, жамирдал, планетарттал ва космонавтикалуцIун дархIусса цайми-цаймигу затирттал суратирттайну чIюлу бувну бия музейрал хьхьичIсса майдан. Суратру ххал диргьуну, кьимат бивщуну махъ, дуклаки оьрчIахь космонавтикалул авадансса тарихраясса ихтилатру бунни ДР-лул Халкьуннал Мажлисрал депутатътурал.

Хъирив дунни оьрчIахьхьун аьламраясса ва космонавтътураясса суаллу буллалисса викторина. Бахшишру дуллай, ххари бунни суаллахьхьун тIайласса жавабру дуллусса оьрчIру.
ОьрчIан ххаллилсса бахшишну хьунни музейраву Космонавтикалул кьинилун хасну тIивтIусса планетарий. Шиву ккаккан дуллай бия аьламрал караматшивуртту ва дунияллул космонавтикалул тарих.

Му бакъассагу, оьрчIан кка­ккан дунни космосраясса кино ва мультфильмру.
Космонавтикалул кьинилун хас дурсса мероприятиярттай гьуртту хьунни ДР-лул Халкьуннал Мажлисрал КIулшивуртту дулаврил ва элмулул комитетрал председатель Елена Павлюченко, Тарихрал музейрал каялувчи Тимур Велиханов, АьФ-лул ПаччахIлугърал Думалул депутат НурбахIанд НурбахIандов.
Му кьинисса давурттал сиптачину ва сакиншинначину бия ДР-лул Халкьуннал Мажлисрал КIулшивуртту дулаврил ва элмулул комитет.

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: