Жула Росгвардия

Жула Росгвардия

Гьуртту хьунни Вирттаврал Вахталий

Дагъусттаннал Росгвардиялул управлениялул зузалт ва аьралитал управлениялул хъунама полковник Александр Орехов бакIчину гьуртту хьунни вай гьантрай республикалий нанисса «Вирттаврал Вахта» проектраву.
Аьрасатнал Вирттавращал вайннал дакIнийн бивчунни Буттал кIанттул цIанийсса Хъунмасса дяъвилий жанну дуллуми.
Лениннул комсомолданул паркраву хьусса мероприятиялий гьурттушинна дунни Дагъусттаннал БакIчи Сергей Меликовлул, ПаччахIлугърал Думалул депутат, Аьрасатнал Вирттаврал ассоциациялул хъунама, Аьрасатнал Виричу Владимир Шаманов бакIчисса 14 Аьрасатнал Виричунал, Ххувшаврил волонтертурал ва ветерантурал организациярдал вакилтурал.
Вайннал тIутIив дирхьунни Аьра­личунал гьайкалдануцI ва Совет Союзрал Виричунал цIа лайкь дурсса дагъусттанлувтурал суратирттащалсса Аллеялуву. Баян бунни минутрайсса пахъ багьаву.
«Вирттаврал Вахта» проект щаллу дуллай Дагъусттаннай шамилчинсса шинни. Ва щаллу дуллалиссар ДР-лул Миллатрал политикалул ва диндалул иширттал министерствалул. Ванил мурадгу хъанахъиссар жагьилсса ник Ватан ххирану тарбия даву, жагьилтурал Аьрасатнал Вирттавращалсса хьунабакьавуртту дурну, миннал къучагъшивурттая бусаву.
Проектрал лагрулий личIи-личIисса шагьрурдай ва районнай хьунтIиссар Аьрасатнал Вирттаврал студентътуращалсса ва дуклаки оьрчIащалсса хьунабакьавуртту.

Росгвардиялул зузалт хьунабавкьунни Аьрасатнал Вирттавращал

«Вирттаврал Вахта» тIисса проектрал лагрулий Каспийскаллал энергетикалул колледжраву Аьрасатнал Вирттал Сергей Лимов ва Андрей Красов хьунабавкьунни колледжрал студентътуращал ва Росгвардиялул управлениялул вневедомственный къаралданул зузалтращал.
Вайннал бувсунни цала оьрмулия ва аьрали ххуллия, цукун лайкь дурссарив Аьрасатнал Виричунал цIа. Ихтилат хьунни хIакьину Украиннал аьрщарай Аьрасатнал аьралуннал буллалисса хасъсса операциялиягу.
Вирттаврал кIицI лавгунни жула аьралитал ва гужирдал структурардал зузалт, билаятрал мурад­ру буручлай, лайкьну бартбигьлай бушиву цала къуллугърал бурж.
Шиккун бавтIминнал дакIнийн увтунни Украиннавусса аьрали операциялуву ккаккан дурсса къучагъшиврухлу Аьрасатнал Виричунал цIа лайкь дурсса НурмахIаммад ХIажимахIаммадов ва ванал аьпалун баян бунни минутрайсса пахъ багьаву.
– Ялун нанисса никирал укун­сса вирттаврая эбрат ласун аьркинссар, – увкунни Андрей Красовлул.

Донбассрал агьалинансса ссайгъатру

Дагъусттаннал Росгвардиялул управлениялул зузалтрал гуманитар кумагрансса 50-нния лирчусса тонна дука-хIачIанмунил ва чара бакъа аьркинмунил диян дантIиссар Донецкаллал ва Луганскаллал областирдал агьалинан.
Вай дартIун дур Дагъусттаннал ишбажаранчитурал, жяматий­сса организациярдал вакилтурал ва дакI цIуцIисса инсантурал. Гуманитар кумагращал вайннал тIайла бувккунни тийхсса хасъсса аьрали операциялуву гьуртту хъана­хъисса Росгвардиялул зузалтран­сса ссайгъатругу.
– Донбассрал агьлу цIана захIматсса тагьарданий бур. Жува бувсса кумаг тайннан хъинну бучIи лякъинтIиссар. Му бувчIлай бур жула халкьуннангу. Гьарица кьини республикалул шагьрурдая ва районная жучIан букIлай бур тихун гьан бансса ссайгъатру, – буслай ур Донбассрал агьулданун гуманитар кумаг бавриха зузисса группалул председатель АхIмад Аьбдуразакьов.

Андриана Абдуллаева

Андриана Абдуллаева

Читайте также: