ЦулчIа ва кьурукь
ЦулкIлул кьурукьрайн хъамалу оьвкуну, ахттайнссаннун, вяртIуллувун руртIуну, накь дуллуну дур. Кьурукьраща цила лахъисса къеппух цичIар ласун къабювхъуну бур, цулкIлулгу цимурца цилла дуркуну дур. Гьунттихавай кьурукьрал цулкIлуйн цичIанма оьвкуну бур ва къумасса барт бусса къукъулуву ахттайнсса хьхьичI дирхьуну дур. ЦулкIлуща къукъулувун щунщуматIи буххан бан къавхьуну бур, кьурукьрал тIурча, цилла лахъисса ссурссу лиркIуну, циняр цила хIарчIун дур.
Ятту авлахърайх най бивкIун бур. Чарив къакIулну, барзу бувккун, ссурула ялавай багьну лавгун, чIилуйн ххяпри кьутIин дурну, га лавсун лавгун бур. ХъатIун му ккавккун, циннагу дикI дукан ччан бивкIун бур. Ганил куну бур:
– Му къахъунмасса зат бур. Бачу нарагу га даву данна, хъиннура хъиннугу данна. Барзу ахIмакьсса бур, кIанил чIивисса чIи лавсунни, наварив тана-та бучсса ку язи бугьанна. ХъатIул цила ххяпри тIайланна куйл гьурттаравун лиркIуну гьан дурну дур, гьаз бан ччай-къахъанай ливчIун бур. ХъатIу цила ххяпри ппалува цукун дукканссарив къакIулнува ливчIун бур. ХIухчу увкIун, гьурттарава хъатIул ччанну личин дурну, гагу бивкIуну, экьи бувтун бур.
Лев Толстой
