Щинавун бучIлан аьркинссар ккаккан бувсса хасъсса кIанттурдай: пляжирттай, бассейннаву.
Баргъ гужну кIири буллан бикIайссар ссят 11.00-нния 17.00 хьуннинсса чIумуву. КIирисса чIумал ххютулу бавцIуну хъинссар. БакI кIири къалаган, бакIрай зат дикIан аьркинссар.
ХIарчIсса чIумал щинавун буххан къабучIиссар.
Гьузун бучIиссар дукра дуркуну 1,5-2 ссят ларгун махъ. 15-20 минутраяр ххишалану гьузун къабучIиссар.
Щинавун хIалли-хIаллих тIий буххан аьркинссар, хаснува бургъилу кIири лавгсса чIумал.
Щинавун бучIлачIийни хIисавравун ласун аьркинссар гьавалул ва щинал температура, мукунма мурчал гуж.
Дарусса, марч бакъасса, гьавалул температура 25 градус дусса чIун ххуйссар гьузун.
Щинаву чурх бявкъусса чIумал хьхьару батIлан бикIайссар. Му чIумал ци-дунугу мицI бусса зат кьутIин аьркинссар.
КIул бакъасса кIанттурдай щинавун тIанкIа тIун, вих бухлан къабучIиссар, аьрщарайх, чарийх, кьянкьасса ссайх-бунугу бакI къабищуншиврул.
Гьузун къабучIиссар жамирду, къаяхъру нанисса кIанттурдачIан гъанну.
КIицI ларгсса тIалавшиннарду щаллу дулларча, зу мюхчан хъанахъиссару щинаву хьун бюхъайсса бала-апатIрая.