Тамашачитуран нукIува ххира хьусса, лакку макьаннай аслийсса лакку балайрду учайсса РайхIанат ХIажиева сахIналийн бувккукун, халкьуннал балайрдах мякьсса агьали бигьалагай. Ванил ляличIисса чIуний ва такьвалий тIутIисса лакку балайрдал буттал кIанттухсса ччавугу ххишала дай.
ш. Хъусращи
[dropcap]Б[/dropcap]увну бур РайхIанат 1961-ку шинал Хъусрахь Абакардул ва Изал кулпатраву. Буттал шяраву школагу къуртал бувну, дуклан бувххун бур МахIачкъалалив Кульпросвет училищалувун. Училище къуртал бувния шийнмай, хIакьинусса кьининин, зий бур Ккуллал райондалийсса Культуралул управлениялий режиссерну. Тамансса шинну дурну дур РайхIанатлул райондалул автоклубрал каялувчину зий. Райондалий театр хIасул байхту, бивтун бур художествалул коллективрал каялувчину. Ва бур цалчинмур категориялул солистка. Къабяйкьинссару, ванил щала оьрму сахIналий най бур учирчангу.
Мазагьиб Шариповлул: «Ина бурав, макьандалий хъюрухъругу бичлай, балай тIун бикIайсса душ», – увкуну бивкIун бур.
РайхIанат бур хьхьичIавасса цIанихсса балайчитуравасса ца. Лакку макьаннал хIужрарду аьч бувну, балай тIутIисса чIавасса душ цалчин цанма хьунабакьайхту, Мазагьиб Шариповлул: «Ина бурав, макьандалий хъюрухъругу бичлай, балай тIун бикIайсса душ», – увкуну бивкIун бур.
ХIисав шайхьунссар РайхIанатлул уттисса никиран чанну кIулсса, ягу дурагу къакIулсса буттахъал макьаннайсса балайрду цила зумуну, бюхханну учайшиву.
Школалий дуклакисса шиннардий ванихь музыкалул дарс дихьлай ивкIун ур, райондалий акъассагу, Дагъусттаннай машгьурсса музыкант Багъирча Муслимов, музыкалул кружокру дихьлай ивкIун ур мува куццуй гьунар бусса балайчи Сулайман Рамазанов (Къулав Сулла).
Школалий РайхIанатлуйн мудан тапшур байсса бивкIун бур художествалул секторданий каялувшиву дан, концертру сакин дан. ЦIанагу, райондалий цукунсса, ци мероприятиярду дуллай бухьурчангу, буттахъал макьаннайсса балайрду учаву РайхIанатлухун дутай.
– Буттахъал макьаннай балайрду учин захIматссар. Жагьилния шийнмай, хIакьинусса кьинигу, ччергъилттухун «никIалай балайрду» учаву ттуя яла къаларгунни.
«ОьнтIа бакъасса, хъачI дакъасса макьандалул ххуйшиву, тIааьншиву ссаву дуссар?
Цуксса макьан захIматсса дурив, мукссара му аваданссагур, му учин бюхъавривур балайчинал сийгу, гьунаргу бусса», – тIун икIайссия жухь таний Культуралул къатрал каялувчину зий ивкIсса ХIамзат СалихIов, – буслай бур РайхIанат.
Халкьуннал хьхьичIун буклакисса, мяйжаннугусса балайчитурал махъругу бикIан аьркинни мяъна, мурад дусса. РайхIанат хъинну ялув бацIай цила учайсса балайрдал мукъурттил. Ванил балайрдал репертуаргу дур халкьунналгу, лакрал шаэртуралгу мукъурттийсса.
Халкьуннал хьхьичIун буклакисса, мяйжаннугусса балайчитурал махъругу бикIан аьркинни мяъна, мурад дусса. РайхIанат хъинну ялув бацIай цила учайсса балайрдал мукъурттил.
РайхIанат лайкь хьуну бур «ДР-лул лайкь хьусса артистка» тIисса бусравсса цIанин. Цалчинсса «Щунудагърай» авторнал номинациялий ванил бувгьуссар цалчинсса кIану. 2012-ку шинал Дагъусттаннай «Душа Дагестана» тIисса премия дуллай байбивхьусса чIумал, хьхьичIра-хьхьичI му лайкь дурссар РайхIанатлул.
Ккуллал шяраватусса Мах1мудлущал ташулул хьуну, вайннал дянив хьуну бур к1ия арс ва ца душ. Мах1муд ччяни дунияллия гьарчагу, цачIу бувтсса оьрму цаннан ца бувчIлачIисса, цаннай ца бавкьусса, талихI-тирххандарайсса хьуну бур.
