Апрель зурул 10-нний оьрмулул 60 шин бартлаглагиссар лакрал ва Дагъусттаннал цIанихсса арснан, Дагъусттаннал халкьуннал виричу, аьрали генерал, МахIаммадлул арс Муслим Даххаевлун.
Муслим увссар 1962-ку шинал ЦIуссаккуллал шяраву. 1983-ку шиная айивхьуну, зий ивкIссар ЦIуссалакрал райондалул виваллил иширттал отделданий, 1999-ку шинал ивтссар ЦIуссалакрал РОВД-лул хъунаману. Дагъусттаннал аьрщарайн боевиктал ххявхсса чIумал ккаккан дурсса чувшиврухлу лайкь хьуссар Къучагъшиврул ордендалун.
2005-2017-ку шиннардий Аьрасатнал ФСИН-далул Дагъусттаннал Управлениялул хъунаману зий Муслим Даххаевлул хъуннасса даву дурссар Дагъусттаннал уголовно-исполнительная система хьхьичIуннай дан, зузалтрансса ва танмихIрайн кIункIу бувминнансса шартIру къулай дан. 2017-ку шинал ивтссар Ростовуллал областьрайсса Аьрасатнал ФСИН-данул Агьаммур управлениялул хъунаману. Ва къуллугърай ивкIссар 2000-ку шинайн ияннин.
Виваллил иширттал органнаву ва УИС-рал системалуву зузисса шиннардий Муслим Даххаев лайкь хьуссар личIи-личIисса наградарттан.
ХIурмат лавайсса Муслим МахIаммадович! ДакIнийхтуну барча дуллай буру вил юбилей. ЧIа тIий буру цIакьсса цIуллушиву, ялуннайсса ххари-хъиншивуртту!
Вил дакIнийсса цинявппагу мурадру бартлаганнав, буруккинтту бухлаганнав! Винмагу, инава ххираминналгу ххари уллай итаннав!
Хъинсса бияннав хъинсса дустурая!
Цинявппагу вил хIурмат буми, кьадру-кьимат кIулми
