Гъалгъа тIисса чIумалли маз яшайсса

Гъалгъа тIисса чIумалли маз яшайсса

Апрель зурул 2-нний Бадави Рамазановлул цIанийсса ЧIяйннал школалий лахъа-хъунну дунни ниттил маз ябаврин, мунил сий гьаз даврин хас дурсса районнал дянивсса конференция.

Конференция хIадур дурну дия гьашину ЧIяйннал школалун 110 шин хъанахъисса иширацIун дархIуну.

Шикку гьуртту хьунни ДР-лул КIулшивуртту дулаврил министерствалул, А.Тахо-Годил цIанийсса педагогикалул институтрал, ДИРО-лул, жяматийсса организациярттал вакилтал, Да­гъусттаннал университетрал преподавательтал, Ккуллал ва Лак­рал районнал школарттай лакку мазрал дарсру дихьлахьисса учительтал. Лакку маз ябансса чаран лякъаврил хIакъиравусса ва цаймигу элмулул, методикалул масъалартту гьаз буллалисса мюнпатсса ихтилатру бунни гьурттучитурал, чIурчIав дурунни маз ябаншиврул ичIува нину-ппу, садикрай тарбиячитал, школалий учительтал лакку мазрай гъалгъа тIун аьркиншиврий.

Школалул директор Альбина ХIаммаккуевал дуклаки оьрчIащал хIадур дурну дия ххаллилсса программа.
Мероприятие лавайсса даражалий ларгунни, хъамалгу, цинявппа гьурттучиталгу рязину ливчIунни.

Андриана Абдуллаева

Андриана Абдуллаева

Читайте также: