Гьуртту хьунни флешмобраву

Гьуртту хьунни флешмобраву

Лакрал райондалул магьирлугърал зузалт хIала бувххунни Олег Табаковлул цIанийсса Москавуллал театр­данул каялувчи, режиссер ва жяматийсса ишккакку Владимир Машковлул сипталийну щалагу Аьрасатнаву итабавкьусса #ZаМир тIисса флешмобравух.

«Куннайн куннал ва зула билаятрайн хIусутшиву къарутлай, хъинсса махъ бусияра хIакьину муних мюхтажминнахь», – укун чичлай ур Машков соцсетирдай.
Гъумуксса Магьирлугърал къатрал чIирайн лархъун дур кIира баннер: латиннал Z (ххувшаврийн оьвтIутIисса) ва V (гуж тIайлашиврувур бусса тIисса) хIарпирдащалсса.
Украиннал аьрщарай хасъсса аьрали операциялуву гьуртту хъанахъисса Аьрасатнал аьралитурахлу нани дурсса акциялувух чялишну хIала бувххун бур машгьурсса аьрасатлувтал, патриотътал.
Лакрал райондалул магьирлугърал центрданул каялувчи Ансар Къажлаевлул кIицI лавгунни цуксса хъуннасса агьамшиву дуссарив хIакьину жула аьралуннал чIарав бацIаврил ва щалагу райондалул магьирлугърал зузалтрал цIания барчаллагь увкунни тайннахь, дакI тIайлану аьрали бурж биттур буллалаврихлу.
Акциялувух хIала бувхсса аьрасатлувтурал цала соцсетирттай дихьлай бур Z ва V хIарпирдащалсса суратру, миннул лув #ZаМир тIисса хештеггу бивхьуну.

Читайте также: