Чумартну жан дуллуну дур

ЦIунилгу 2-мур ЦIувкIуллал шяравун бувкIунни пашмансса хавар. Украиннаву нанисса хасъсса дяъвилул операциялуву жан кьурван дурну дур МахIаммадиннал арс Дибиров Дибирдул.

Дибир къуллугъ буллай ивкIун ур Кьиблалул аьралий округрайсса Александр Невскийл ва Суворовлул цIанийсса орденнан лайкь хьусса, 291-мур мотострелковый артиллериялуву. Ва цувагу батальондалул командирну ивкIун ур. Ванал чингу диркIун дур подполковникнал. Ноябрь зурул 29-нний Дибирдун там хьунтIий диркIун дур 39 шин. Ахиратрал хьуну махъ Дибирдун дуллуну дур Чувшиврул орден. Ттинингу диркIун дур ванал наградартту.