Барча бавуртту

Мартрал 27-нний, кулпат, гъан-маччами, дусталгу лагма лавгун, оьрмулул 50 шинал юбилей хьунадаркьунни КIундиннал шяравасса Аьлибуттаев Назим Асадуллагьлул арснал.
Назимлул 24 шинни Самара шагьрулий мина-гьанулул хьуну, «Лакия» тIисса автосервисрай зий. Цува ватандалия архну унугу, ванал дакIмур мудангу зунттаву дур. Чара бакъа гьарца шинах Лаккуйн учIайссар Назим.

Кулпатран хъинсса заллу, оьрчIан аякьалийсса ппу, ххаллилсса арс, уссу, дус Назим барча уллай буру юбилейрал мажлисрайн Самаралийн бучIан къавхьуминнал цIанияту. ЧIа тIий буру вин, Назим, чIярусса шиннардийсса цIакьсса цIуллу-сагъшиву, талихI-тирхханну, оьрмулиясса ххаришиву. Вила кулпатрал, гъан-маччаминнал дянив оьрмулул уччиннин итаннав ина!
Дустал, гьалмахтал


Март зурул 23-24-нний Санкт-Петербурглив хьунни, щалагу Аьрасатнал Армрестлинграл чемпионат. Му чемпионатрай гьурттушинна дурунни Аьрасатнал спортрал мастер ХIажиев Зураб МахIаммадшяпинал арсналгу.

Микку Зураб, кIирагу ка дирхьуну, ххув хьунни, бувгьунни цалчинмур кIану.
Ххувшаву барча дуллай, чIа тIий буру Зураблун цIуллушиву ва тIайлабацIу. Ттиния тихуннайгу ххишала хъананнав вил хьхьичIуннайшивуртту, ххувшавуртту.