ЦIуссалакрал райондалул цинявппа школарттай хьунни Космонавтикалул кьинилун хас дурсса мероприятияртту.
Вайннул мурад бия оьрчIру Ватан ххирану тарбия баву, миннавун аьламрал тарихрая кIул бансса гъира бутаву, жула билаятрал космонавтикалул ккаккиярттая бусаву. Школардай ва темалун хасну дирхьунни къучагъшиврул дарсру. Мукунна школарттай хьунни «Герои космоса – основа нашей Победы!» цIанилусса линейкарду. Космонавтикалул кьинилуцIун дархIусса мероприятиярттал лагрулий ЦIуссалакрал райондалул дуклаки оьрчIру гьуртту хьунни «Космический рейс» цIанилусса Гаджет-кроссраву. Ва най дия «ВКонтакте» социал сетьрай Аьрасатнал дуклаки оьрчIал суккушиндарал лажиндарай. Байбихьулул классирттал оьрчIал цала каялувчитуращал гьурттушинна дунни «Улыбка Гагарина» тIисса республикалул конкурсрайн хIадуршинна давриву.
КIицI лаган, Космонавтикалул кьинилун хас дурсса мероприятияртту най дуссар цинявппа школарттай ва оьрчIал багъирдаву.
