Жул СунбатIлив бучIайссар 30 «Илчи»

Лакку маз яхьуншиврул, бухкъалаганшиврул муниха зий, му ах­ттар буллай бур лакку кказитру, журналлу, передачартту.
Миннуву агьаммур кIану бугьлай бур «Илчи» кказитрал. Ла­кку мазрай, оьрус мазрай, ингилис мазрай гьар шинах кказитрал редактор Башаев Руслан лаизлай ур Дагъусттаннайсса, Аьрасатнавусса, чил кьатIувсса лакрайн, лакку кказитралгу, лакку мазралгу ялув дакI цIуцIаву дуллалияра, чIарав бацIияра тIий.

Жул чIирисса СунбатIуллал шяраву бур 36 къатта (хозяйство) ва 68 мудана яхъанахъисса инсан. Шяравалу чIиринугу, шиккун чивчуну буссар 30 экземпляр «Илчилул», вайннува 18 чивчунни шяраваллил агьалинал, 11 цала арцух чивчунни жул шяравучув Артур Амутиновлул, цан хъунмасса барчаллагь. Ца сунбатIлийчув Хизриев Щамхаллулгу дукIугу, гьашинугу дурунни «Ина чичав, «Илчи?» тIисса суратрайнусса оьвчаву. Ттул пикрилий, чIярусса щархъаву дакъахьунссар жул куннасса подписка.
Амма Федерал почталул тахсирданийну жучIан кказит-журналлу бучIан сайки ца гьантта шай МахIачкъалалия. Та заманнай почталул машина бучIайссия тIайланма Ваччавсса, Ккулувсса, Хъусрахьсса почталул отделенияр­ттайн, утти тIурча, му букIлай бур Ахъушав, Лаващав. Мугу подпискалуцIунсса ца ссуссукьушивуну хъанай духьунссар. Хъанай бухьурча, аьркинни му тагьар даххана дуван.

МахIмуд Аьлилов