ХIал кIюласса кулпатирттансса ка-кумаг

КIицI ларгсса выплатартту дагьлагьиссар чансса доходру дусса, 8-16 шинавун бияннинсса оьрчIру бусса кулпатирттан. Вай гьантрай укунсса кулпатирттан ка-кумаг баву мурадрайсса хIукму буллалишиву баян бунни АьФ-лул Президент Владимир Путиннул.

«АхIвал-хIал кIюласса, 8-16 шинавун бияннинсса оьрчIру бусса кулпатирттал чIарав бацIаву мурадрай, цIусса хIукму кьамул бан аьркиншиву бувчIлач1исса зат бур», – увкунни Президентнал.
Ва хIакьсса ва тIайласса хIукмулийн бувну, Аьрасатнал кулпатирттан тамансса бигьашиву хъанахъиссар чIумуцIун дархIусса захIматсса тагьарданува буккансса. Выплатартту дуллай байбишинтIиссар май зуруй.
Буссар мукунма 8-16 шинавун бияннинсса оьрчIру хъуни буллалисса ниттин ягу буттан цIакусса пособиярттугу.
Дагъусттаннай, 2022-ку шинал февраль зуруйн бияннин, региондалийсса пенсионный отделениялий вай пособияртту бивхьуну бур 23241 инсаннан.