Мартрал 14-нний ДР-лул ХIукуматрал хъунама, «Единая Россия» партиялул политсоветрал регионал отделениялул член Аьбдулмуслим Аьбдулмуслимов гьуртту хьунни Луганскаллал ва Донецкаллал республикарттая Крымнавун лихъа бувксса агьалинан дукиялийнусса гуманитар кумаг тIайла буккавриву.
Дагъусттанная тIайла дурккун дур 80 тонна (5 фура) гуманитар кумаграл – янна-ус, дукия, марцI-чапалшиврун ишла даймур, даруртту.
– Республикалул БакIчи, «Единая Россия» партиялул Дагъусттанналмур отделениялул хъунама Сергей Меликовлул амрулийн бувну, регионал отделениялул, багу-бавтIун, тIайла буклай буру Ростовуллал ва Новгородуллал областирдай ва Крымнаву бавцIусса Луганскаллал ва Донецкаллал республикарттаясса лихъачалтрансса гуманитар кумаг.
Кумаг батIлатIисса акциялуву гьуртту хьунни Дагъусттаннал цинявппагу шяраваллил хозяйствалул производительтал.
Цалчинна-цалчин жу сакин дарду зия къашайсса дукиялул гьиву: хIуву качар, иникьали, консервартту.
Республикалул ХIукумат гихуннайгу буллантIиссар гуманитар кумаг батIинсса акцияртту.
Дагъусттанлувтал мудангу хьхьичIун буккай кьини дуркнал чIарав бацIан, – увкунни премьер-министрнал, ва базилухгу дагъусттанлувтурал Донбассрая лихъа бувксса агьалинан бюхъайссаксса ка-кумаг бантIишиврий дакI дарцIуну.
«Единая Россия» партиялул регионал отделениялул секретарьнал хъиривчув МахIаммад МахIаммадовлул бусаврийн бувну, акция буллай бур муниципал сакиншиннардащал, жяматийсса ккураннащал, депутатътуращал, меценатътуращал, ихIсандалул фондирттащал ва захIматсса тагьардануву ливчIсса Луганскаллал ва Донецкаллал республикарттал агьалинай дакI аьтIисса дагъусттанлувтуращал цачIуну. Акциялийн цачIун хьуну бур «Единая Россия» партиялул кIанттул отделениярттугу.
Му бакъасса, «Единая Россия» фракциялул чулухасса ДР-лул Халкьуннал Мажлисрал депутатътурал лихъачалтран кумагран тIайла буккан тIий бур ца кьинилул харж.
