Дагъусттаннал Муфтиятрал председатель МухIаммад Майрановлул предпринимательтурайн оьвчаву дунни, агьалинал машан къаларсун чара бакъамунил багьри магьаз булларду тIисса.
– Жунна чIалай дур захIматсса чIун дуркIун душиву, ва уттисса захIматсса тагьаргу цIакьлин дургьуну, цаппара предпринимательтал, цайра личIисса къия къахъанай дунура, багьри гьаз буллай бур. Республикалул Муфтият бакIра-бакIрах гьарманахь тавакъю буллай буру, багьри гьаз мабулларду тIий, – укун тIий ур МухIаммад Инстаграмрайсса Муфтиятрал страницалийсса видеолий. Ванал дакIнийн бувтунни агьалинан бучIисса багьрай хъус дахлахиминнан Аллагьналгу барачат бишайшиву. Шиккува кIицI лаган, Дагъусттаннал хъунаманал, Сергей Меликовлулгу, март зурул 5-нний баян бунни, къабагьавай багьри гьаз буллалисса предпринимательтал танмихIрайн кIункIу буллантIишиву.
