КIилчинмур ЦIувкIуллал шяраву, Культуралул къатрал хъунмур Халисат Рамазановал сипталий, хьунни Ватан дуруччултрал кьинилун хас дурсса мероприятие.

БатIаврий гьуртту хьунни шяраваллил жямат, дуклаки оьрчIру ва воин -интернационалистътурал ниттихъул. Ва кьини Шамсулов МахIаммадлул ва Дибиров Дибирдул ниттихъал дакIнийн бивчунни арсваврал оьрмулувасса лахIзарду, бувсунни миннал тарихраву кьабивтсса ххуттардия. Дуклаки оьрчIал дурккунни ватандалухасса, вирттаврахасса назмурду, увкунни балайрду, дунни къавтIавуртту. ОьрчIру гъирарай гьуртту хьунни викториналувух. Учительтурал бунни дуклаки оьрчIан насихIатрансса ихтилатру.
Халисат Рамазановал бувсмунийн бувну, укунсса мероприятияртту шяраву дайсса дур гьарцагу агьамсса иширан хас дурну.
– Вирттал дакIнийн бичаврийну оьрчIараву ххи хъанахъиссар Ватандалухсса ччаву ва ва дуручлансса шавкь. Чан къаданнав миллатрал ялату тачIавгу някIсса ссав, – увкунни ванил ихтилатраву.