2021 шиная байбивхьуну Дагъусттаннал ЗахIматрал ва социал иширттал министерствалул дачин дурсса «Социальный контракт» тIисса проект дур республикалул агьалинал ахIвал-хIал лавай баву ва захIматсса тагьарданувун багьсса инсантуран кумаг баву мурадрайсса. Соцзащиталул циняв идарарттай сакин бувну буссар социал контрактраву гьуртту хъанахъисса инсантурал чулухасса аьрзри ххал бигьлагьисса хасъсса пишакартурал группарду.
КIицI лаганну, 2021 шинал «Социальный контрактрайн» бувну ахIвал-хIал кIюласса 8 азарвахъул кулпатирттан кумагру бувшиву.
Социал контракт хъанахъиссар соцзащиталул органнал ялапаршиннарал доход республикалий ккаккан дурссаннуяр яларайсса дусса кулпатирттащал дуллалисса кьутIину.
Контрактрал шартIирдайн бувну, хIукуматрал чулуха арцуйнусса кумагру буллай бур агьалинал багьу-бизу къулай баву мурадрай. МуницIун бавхIуну, хIукуматрал чулухасса кумаг кьамул бувсса инсантурал бакIрайн ласлай бур вай арцу кулпатирттал ахIвал-хIал къулай баву мурадрай ишла даву.
ХIукуматрал чулуха буллалисса кумагругу бур даву ххал даврин, чIири-хъунсса даву тIитIаврин, цивппа заллусса хозяйство дачин даврин, захIматсса тагьарданува инсантал буккан баврин кабакьу баву мурадрайсса.
Республикалул соцзащиталул идарарттай байбивхьуну бур «Социальный контрактраву» гьуртту хьун ччиминнал чулухасса аьрзри кьамул буллай.
Консультация даврил, шиву гьуртту хьунсса аьрзри булаврил хIакъираву балжину кIул бан бюхъайссар республикалул кIантту-кIанттурдайсса соцзащиталул идарарттал органнай.
