Февраль зурул 16-нний, кьатIаллил билаятирттай аьрали бурж биттур бувминнал кьини, ихтиярду дуруччай органнал зузалтгу, аьрали иширттал ветеранталгу бивунни МахIачкъалаллал муххал ххуллул вокзалданий ликказан дурсса «Ххувшаврил Поездрал» вагоннавух экскурсиялий буккан.
Аьрасатнал Ветерантурал союзрал Дагъусттанналмур отделениялул председатель МахIарам Аьлиджановлул кIицI лавгунни Буттал кIанттул цIанийсса Хъун дяъвилул тема уттигу цикссагу шиннардий хъирив лавну лахьлансса теману личIантIишиву.
– Мукьва гьантлул мутталий чIявусса дуклаки оьрчIру биянтIиссар ва музейравун, дяъвилия асар хьунну бусансса выставкар ва музей. Ялун нанисса никирангу кIулну бикIан аьркинссар совет агьалинан Ххувшаву цуксса ххирану дарцIуссарив, Ветерантурал союзрал хъунама хIисаврай на барчаллагьрай ура ва музейрал давриву гьурттушинна дурцириннайн, – увкунни Аьлиджановлул.
Вара кьини музей ххал бунни ТОКС-рал командир МахIаммад НуррасулмахIаммадовлул, Виваллил иширттал министерствалул ва Росгвардиялул сотрудниктурал. КIива гьантлул дянив музей ххал бунни 2300 инсаннал.
