Февраль зурул 12-нний МахIачкъалалив биянтIиссар «Ххувшаврил поезд». Ва мукьва гьантлийсса аглан хьунтIиссар жучIава.
Дагъусттаннал агьалинаща февраль зурул 16-ннийнин уква тамаша буван хьунтIиссар поездрай, так проектрал сайтрай билетрал регистрация дуван аьркинссар. Регистрация дуван хьунтIиссар февраль зурул 11-нний. Вагоннавух буккан ччинал ласун аьркинссар зущалва паспорт, вакцинация дурсса код ягу ковид дакъашиву мяйжан буллалисса ПЦР-тест. Вай Роспотребнадзорданул тIалавшиннардур. Аьрасатнал шагьрурдайх буклакисса ва «нигьирттайсса музей» Ххувшаву ларсун 75 шинал савлугъран ва Аьрасатнаву аьпалул ва чувшиврул шинан хас дурсса проектри. Поездрал вагоннаву буссар дяъвилия бусласисса экспозиция. Аьмну 9 вагон бур, гьарца вагонгу ца-ца темалун хас бувну бур. Масалдаран, цалчинмур вагондалуву – дяъви байбишин хьхьичIсса оьрмулул суратру, аьрайн чиваркI тIайла буклакисса лахIзарду, гихунмай – концлагерь, санитар вагон ва 1945 шиналсса май барз, гьай-гьай, махъва-махъмур вагон – Ххувшаврил тема. Аьрасатнал регионнай ва поездрал вагоннавух бувкми бур ва «Ххувшаврил поезд» дяъвилул аьпагур, хIакьмургур тIий, буниялттунгу, кьурчIисса дяъвилул кьинирду итталу загьир дурну дур, дакIру хъюлчай тIутIи дуллалисса экcпонатру дур тIий.
Щалва Аьрасатнавухгу бувккун, «нигьирттай музей» Москавлив зана хьунтIий бур Ххувшаврил кьини, май зурул 9-нний.
