Дагъусттаннал Росгвардиялул управлениялул «Горец» ОМОН- далул хIаписар, полициялул майор ХIажирамазан Шахмарданов хьунаавкьунни Ленинкент поселокрайсса 35-мур гимназиялул дуклаки оьрчIащал. Ванал бувсунни оьрчIахь Нацгвардиялул вузирттая.

ХIаписарнал бусласимунийн бувну, ведомствалунсса кадрарду хIадур буллай бур мукьва дуккаврил заведениялуву: генерал И.К.Яковлевлул цIанийсса Новосибирскаллал аьрали институтраву, Санкт-Петербургуллал, Пермьрал ва Саратовуллал аьрали институтирттаву. Шахмардановлул мукунма бувсунни оьрчIахь институтирттавун буххаврил низамрая ва тIалавшиннардая, къуллугърал шартIирдая ва курсантътурансса социал гарантиярттая.
Хъирив ванал оьрчIал суаллахьхьун жавабру дуллунни.