МахIачкъалалив хьунни Къучагъшиврул ордендалул кавалер Марат Молчанов дакIнийн утлатисса мероприятияртту.

Вай хьунни Молчанов дуклай ивкIсса 46 — мур школалий. Мероприятиялул гьурттучитурал дирхьунни тIутIив виричувнал улттуцI. Школалул актовый залдануву хъамал хьунабавкьунни дуклаки оьрчIал. Вайннал бувсунни аьрали бурж бартбигьлай Марат Молчановлул ккаккан дурсса къучагъшиврия. Барчаллагь увкунни арснан лайкьсса тарбия дуллусса къучагънал ниттихь. Наталья Молчановалгу барчаллагь увкунни мудангу цила арс дакIнийсса учительтурахь ва дуклаки оьрчIахь. Виричувнал аьпалун баян бунни минутрайсса пахъ багьаву.
ДакIнийн бутан, Марат Молчановлул жан дуллуссар 2000-ку шинал февраль зурул 11-нний Чачаннал аьрщарайсса аьрали иширттаву, оьрмулул 19 шин хьун кIива гьантта ливчIсса чIумал. Аьпа­лул хьуну махъ ванан дуллу­ссар Къучагъшиврул орден. Марат дуклай ивк1сса Мах1ачкъалаллал 46-мур школалун 2020-ку шинал февраль зурул 14-нний дуллу­ссар ванал цIа.