Каспийскалий, ремонт дурну, цIу буккан бувсса роддом зий байбивхьуссар.
Ремонтрая махъ зун байбивхьусса кьинива оьрчIру буван чIун дирсса ниттихъул кьамул буллай байбивхьушиву ва кIюрххил цалчинсса чIивитIу дунияллийн увкшиву баян бунни Каспийскаллал мэриялул пресс-службалул хъунмур Луиза АхIмадовал. Роддомрал 3 зивулийсса корпус ххуйну бакьин бувну бушиврия ххарину бушиву буслай бур ва кьини кьамул дурсса 3-гу нину. Аьмну роддомрай 90 кIану бур. ОьрчIру буллалиминнансса ва чIивитIултрансса реанимациярдугу бур. Роддом цукунсса даражалий бурив ккаккан бувкIунни Дагъусттаннал цIуллушиву дуруччаврил министр (врио) Татьяна Беляева. Ванил бувсунни 2 шинай ремонт най диркIшиву ва утти роддомравун, Каспийскалиясса бакъассагу, лагма-ялттусса кIанттурдаясса ниттихъулгу кьамул буллантIишиву. Аьзизсса ниттихъул, сивсуну буллалияра оьрчIру.
