«Культура – му жувару»
Дагъусттан Республикалул Культуралул министерство ва Халкьуннал творчествалул къатта оьвтIий бур ва шинал, Аьрасатнал Халкьуннал культуралул ирсирал шинал лагрулий баян бувсса, конкурсирттай гьуртту хьун.
«Халкьуннал (Образцовый) коллектив, художествалул творчествалул (любительского) студия» цIа дусса творчествалул коллективирттаща бюхълай бур гьуртту хьун Республикалул «Культура – это мы!» тIисса творчествалул любительский коллективирттал смотр-конкурсрай.
Конкурс хьунтIиссар манзилданий ва кIира ятIапрай: цалчинмур (локальный) наниссар январьданул 1-нния октябрьданул 1-нин; кIилчинмур – октябрьданул 1-нния ноябрьданул 15-нин.
Смотр-конкурсрай ххув хьуминнан булунтIиссар Дагъусттан Республикалул Культуралул министерствалул чулухасса I, II, III даражардал дипломру.
Конкурсрайнсса материаллу гьан дуван аьркинссар октябрьданул 1-нин Республикалул Халкьуннал творчествалул къатлул (халкьуннал творчествалул отделданул) электрон почталийн: ontrdnt-3008@yandex.ru. Телефон: 8 (8722) 62-19-04.
Вания, ва гилуннайсса цаймигу конкурсирттал иш-тагьардания, гьарта-гьарзану кIул хьун ва хасъсса анкета буцIин буван бюхъантIиссар РДНТ-лул сайтрай: https://dagfoIkkuItura.ru/
«Культуралул къатта – цIусса формат»
Февральданул 1-нний дайдирхьунни «ДОМ КУЛЬТУРЫ. НОВЫЙ ФОРМАТ» цIанилусса конкурс – КДТ-рал идарарттал щаллу дурсса язимур проект ялун личин даврин хасъсса.
Ва дуллалиссар «ДОМ КУЛЬТУРЫ. НОВЫЙ ФОРМАТ» проект Аьрасатнал субъектирттай щаллу даврил лагрулий.
Конкурсрай гьуртту хьун бюхъайссар культуралул управлениялул муниципал органнаща, шяраваллал, районнал ва шагьрурдал КДУ-рдал щаллу дурсса проектирдащал.
«Методикалул копилка»
Гьашину Республикалул Халкьуннал творчествалул кIицI лаглагисса 85 шинал таварихран хасъсса «Методическая копилка – 2022» конкурсрай гьуртту хьун оьвтIий бур КДУ-рдал методикалул муниципал къуллугъирттайн, творчествалул зузалтрайн ва пишакартурайн.
Конкурс дуллалиссар кIира ятIапрай: цалчинмур – февральданул 1-нния октябрьданул 1-нин; кIилчинмур – октябрьданул 1-нния ноябрьданул 15-нин.
Конкурсрал номинацияртту: «Издательская деятельность и печатная продукция», «Инновационная модель методической службы», «Формирование электронного муниципального реестра объектов нематериального культурного наследия», «Лучший проект – 2022».
Халкьуннал творчествалул «Ссурулккуртта»
Октябрьданул 1-нин кьамул буллалиссар Регионналул тIиртIусса ХХ визуал творчествалул «Радуга» конкурсрайнсса аьрзри ва электрон почталийн: oio-rdnt@maiI.ru.
Конкурсрай гьуртту хьун бюхъантIиссар пишакарсса, муниципалсса, цивппа заллусса, жагьилтурал, оьрчIал видеостудиярттаща ва пишакартураща, республикалул районнаясса ва шагьрурдаясса, мукунма Аьрасатнал регионнаясса видеолюбительтураща.
«Культура-онлайн»
Культуралул муниципал идарарттайн оьвтIий бур информациялул даврил Республикалул VI «Культура-онлайн» конкурсрай гьуртту хьун.
Конкурс хьунтIиссар «Веб-сайт», «Социал сетьру», «Деятельность КДУ в АИС «ЕИПСК» номинациярттай.
Конкурсрайнсса давуртту гьан дуван бюхъайссар ва электрон адресрай: oio-rdnt@maiI.ru.
