ХIажлийн багьайсса масъалартту

Дагъусттаннал национал политикалул ва диндалул иширттал министр (врио) Энрик Муслимов ва Муфтиятрал вакил МухIаммад Майранов хьунабавкьуну, ххал бивгьунни хIажлийн багьайсса масъалартту.

Энрик Муслимовлул бувсунни гьашину Аьрабусттаннал властирдал хъуниминнал, коронавирусрал къашавайми чан хьуну, тагьар къулай хьурча, хIажлийнсса къадагъа къадикIантIишиву баян бувшиву ва хIажлийн бувкIми кьамул буван хьуншиврий чIурчIав дуллай бушиву. Бувсунни мубараксса кIанттурдай хIажлийн биян ччиминнал вакциналул пикри буван аьркиншиву, прививка къадурми тихун къаитабакьлантIишиву. Мукунма гьаз бунни мизитирттавун агьали чаклийн батIлан къадагъа душивруцIун бавхIусса масъаларттугу. Жу хьхьичIвагу баян бувссия мизитирттавун батIлансса къадагъа душиву апрель зурул цаннийнин. БучIиссар так чара бакъасса иширттай чанну батIлан, масалдаран, жаназа диссун ва укунмасса цаймигу иширттай.