Дагъусттан Республикалул Культуралул министерствалул ва Республикалул Халкьуннал творчествалул къатлул баян буллай бур ва шиналсса «Душа Дагестана» ДР-лул ХIукуматрал Премиялийн аьрзри кьамул буллалишиву.
ДР-лул Культуралул министерствалул указрайн бувну, байбивхьунни кьамул дуллай вай номинациярттайнсса заявкартту: «народный танец», «народное пение», «традиционная народная культура», «народный мастер», «юное дарование», «народный театр», «народный музыкальный инструмент».
ДакIнийн бутан, ва премия жулла республикалий дуллалиссар 2012-ку шиная шийннай, аслийсса культура, халкьуннал творчество дуруччин, машгьур дуван хIарачат буллалиминнал чIарав бацIаву, вайннаву гихунмай зунсса гъира ххи баву мурадрай.
Премия ласаврил низамрая, ванийнсса давуртту щаллу даврил куц-журардая кIул хьун бюхъантIиссар «Республикалул Халкьуннал творчествалул къатта» ГБУК-лул сайтрай: https://dagfoIkkuItura.ru/.
