Аьрасатнал Президент Владимир Путин лаивзунни аьрасатлувтурайн

Аьрасатнал Президент Владимир Путин лаивзунни аьрасатлувтурайн

Владимир Путиннул аьрасатлувтурайнсса лаизавриву баян бунни Донбассрай дяъвилул операция бувансса хIукму бувшиву.

«Аьрасатнаща къашайссар даиман Украиннавату нанисса нигьачIаврих ялугьлай ялапар хъанан», – кунни паччахIлугърал БакIчинал. Мукунма Владимир Путиннул кIицI лавгунни «Аьра­сатнан цалва агьлу буруччинсса цамур ххуллу къабивтун бушиву, хIакьину жува ишла буллалимур бакъасса».
Аьрасатнал Президентнал Украиннал аьралийтурайнсса оьвчавугу дурунни, ярагъгу кьабивтун, шаппайн кIура баен.
– Цайми билаятирттал чулухасса хIала буххаву хьурча, жу миннащалгу гацIана ля­къи­нну ттинин миннал тарихраву къабивкIсса ххуллу. На тIимур бавхьунссар цинявннан, – кунни Аьрасатнал Президентнал.
— ЦIанасса тагьарданул жуятува тIалав буллай бур сивсу­сса ва анаварсса давуртту дуван. Донбассрал республикарттал Аьрасатнахь тавакъю бунни кумаг буван. Мунийн бувну, ООН-далул Уставрайнгу чул бивщуну, Федерациялул Советрал чулухасса ихтияргу дуну, ДНР ва ЛНР Федерал Собраниялущал дусшиврул, хIала-гьурттушиврул ва кувннан кувннал кумаг баврил хIакъиравусса кьутIигу би­ттур дуллай, хIукму хьунни дяъвилул операция буван, – кунни Путиннул аьрасатлувтурайнсса лаизавриву.
ПаччахIлугърал БакIчинал баян бунни, Аьрасатнал ба­къашиву Украиннал аьрщи ласунсса пикри, амма Москавуллал хIарачат бувантIишиву чIа­ххувсса билаят ярагърацIа хьун буван (демилитаризация).

Читайте также: